Pobl Ifanc, Cymru a COP27
Tachwedd 17, 2022
Mae arweinwyr y byd yn trafod gweithredu i fynd i’r afael â newid hinsawdd yn uwchgynhadledd hinsawdd COP27 yn yr Aifft.
COP27
COP27 yw 27ain cyfarfod blynyddol y Cenhedloedd Unedig ar yr hinsawdd. Mae’n cael ei gynnal yn Sharm el-Sheikh tan 18 Tachwedd. Y nod yw cytuno ar y camau i’w cymryd i gyfyngu ar y cynnydd mewn tymheredd byd-eang.
Mae tymheredd byd-eang wedi codi 1.1C ar lefelau 1850. Rydym yn dringo tuag at gynnydd o 1.5C; os yw’n cyrraedd cynnydd o 1.7C, yna mae’r Panel Rhynglywodraethol ar Newid Hinsawdd yn amcangyfrif y bydd hanner poblogaeth y byd yn agored i dymereddau sy’n bygwth bywydau.
Ddydd Sadwrn 12 Tachwedd, fe wnaeth gweithredwyr hinsawdd orymdeithio drwy ddinasoedd mawr i fynnu cyfiawnder hinsawdd. Yn Abertawe, galwodd Fforwm Masnach Deg Abertawe a Fyrdd Masnach Deg Cymru am gyfiawnder hinsawdd nawr, ac am sefyll mewn undod gyda ffermwyr Masnach Deg, sydd ar reng flaen yr argyfwng hinsawdd.
Beth am Cymru Masnach Deg & COP27?
Yr wythnos ddiwethaf, fe wnaethom fynychu COP Ieuenctid Cymru yn y Deml Heddwch. Dan arweiniad Maint Cymru, daeth y digwyddiad hwn a lleisiau pobl ifanc o bob rhan o Gymru at ei gilydd i ddysgu am newid hinsawdd a’i drafod, ac i anfon neges bod pobl ifanc yn poeni am gyfiawnder hinsawdd.
Rhoddodd Cymru Masnach Deg sbotolau ar fananas Masnach Deg. Fe wnaethom siarad am bwysigrwydd Masnach Deg wrth frwydro yn erbyn newid hinsawdd, ac annog pobl ifanc i greu gwaith celf ar fananas. Roedd y rheolau yn syml: anfon neges hinsawdd neu greu gwaith celf ar fananas Masnach Deg. Roedd yn wych gweld bod pob person ifanc yn ymwybodol o Fasnach Deg ac o’r pwysigrwydd o brynu nwyddau Masnach Deg ar gyfer pobl a’r blaned.
Dim mwy o fananas! Masnach Deg yn Datgelu y ‘Banana Anghyfnewidiadwy’ cyntaf erioed
Gydag amcangyfrif o werth allforio byd-eang o $7 biliwn o ddoleri y flwyddyn, y fasnach fananas yw conglfaen economïau llawer o wledydd.
Mae newid hinsawdd a’r bygythiadau gan glefydau planhigion fel Fusarium TR4 yn golygu bod y cnwd mewn perygl, yn ôl yr astudiaeth Masnach Deg a Newid Hinsawdd a gyhoeddwyd ddiwedd 2021.
Mae Masnach Deg wedi datgelu’r ‘Banana Anfarwol’ cyntaf erioed mewn ymdrech i roi sylw i’r bygythiad cynyddol mae newid hinsawdd yn ei achosi i gynnyrch bwyd mwyaf poblogaidd y blaned. a’r ffermwyr a’r gweithwyr sy’n eu cynhyrchu.
Ewch i weld y banana olaf yn y byd, cyn ei bod hi’n rhy hwyr.
Felly… beth mae Masnach Deg yn ei wneud ar gyfer cyfiawnder hinsawdd?
Dyma rhywfaint o’r pethau mae Masnach Deg yn eu gwneud ar gyfer yr amgylchedd:
- Mae’r Premiwm Masnach Deg yn arian ychwanegol, ar ben yr isafswm pris Masnach Deg, sydd yn cael ei dalu i sefydliadau neu gmwnïau cydweithredol cynhyrchwyr i benderfynu’n ddemocrataidd sut i’w wario. Yn aml, mae hyn yn cael ei wario ar adeiladu gwydnwch mewn perthynas â’r hinsawdd, ac addasu iddo.
- Wel, mewn 6 mis, mae cynhyrchwyr Masnach Deg yn America Ladin a’r Caribî wedi plannu 300,000 o goed. Mae hynny dros 1,500 o goed y dydd am 6 mis!
- Mae ffermwyr Masnach Deg yn lleihau eu defnydd o blaladdwyr niweidiol. Oeddech chi’n gwybod, mae rhosod Masnach Deg Kenya yn cael eu cynhyrchu gyda 70% yn llai o bryfaid a 75% yn llai o ffwngladdiadau na rhosod Kenya ar gyfartaledd? Mae ganddynt hyd yn oed ôl troed carbon is na dewisiadau amgen yr Iseldiroedd – mae hyn yn cynnwys allyriadau cludo.
- Mae rhaglenni sy’n canolbwyntio ar yr hinsawdd ar gyfer cynhyrchwyr. Mae’r rhain yn raglenni Masnach Deg sy’n cefnogi ffermwyr trwy’r argyfwng hinsawdd, fel yr Academi Hinsawdd yn Kenya. Mae Masnach Deg yn rhedeg gweithdai lliniaru hinsawdd i ffermwyr hefyd, fel yn ysgol hinsawdd NAPP yn India.
- Mae Masnach Deg yn cefnogi 1,305 o warcheidwaid bioamrywiaeth ymroddedig sy’n rheoli 2.38 miliwn hectar o dir fferm Masnach Deg – gwir Warcheidwaid y Blaned!
- Mae prosiectau Credyd Carbon Masnach Deg yn galluogi cynhyrchwyr i gyfrannu at liniaru newid hinsawdd hefyd, wrth addasu i newid hinsawdd. Maen nhw’n canolbwyntio ar naill ai effeithlonrwydd ynni, ynni adnewyddadwy neu ar goedwigo/ail-goedwigo
