Mae’n bleser gennym groesawu Aileen Burmeister yn ôl fel Pennaeth Cymru Masnach Deg!  

Ar ôl bod ar secondiad am ddwy flynedd gydag adran Gwaith Teg Llywodraeth Cymru, mae Aileen wedi dychwelyd i arwain ein cenhadaeth o greu byd tecach, mwy cynaliadwy drwy gyfiawnder masnach. Ers dychwelyd, mae hi wedi neidio nôl mewn i’r gymuned Masnach Deg- mae hi wedi mynychu sawl digwyddiad yn barod i ailgysylltu â grwpiau a phartneriaid ar draws Cymru.

Yn fwyaf diweddar, siaradodd Aileen ym Mrecwast Masnach Deg yn y Fro ar 10 Hydref yn Craft Republic yn y Barri, digwyddiad oedd yn ymwneud â chodi proffil Masnach Deg ar draws Bro Morgannwg.

Fe wnaeth y brecwast, a gafodd ei arwain gan grwpiau Masnach Deg lleol ac a gafodd ei agor gan Jane Hutt AC, ddathlu llwyddiannau lleol tra’n annog cydweithredu i siapio dyfodol Masnach Deg yn y rhanbarth. Mwynhaodd y gwesteion lawer o nwyddau Masnach Deg gan grwpiau lleol yn y Fro – gan gynnwys afalau wedi’u stiwio a oedd wedi cael eu tyfu’n lleol, muesli gan We Are Fair Trade, jamiau Masnach Deg M&S, a bananas o archfarchnadoedd lleol.

Fe wnaeth aelodau o’r gymuned, cynghorwyr a disgyblion ysgol o’r Barri, Dinas Powys, Llanilltud Fawr, Bro Morgannwg a Phenarth fynychu’r digwyddiad. Roedd darparwyr bwyd lleol yn bresennol hefyd, fel The Big Fresh Catering Company, a drafododd eu hymdrechion cynaliadwyedd – gan gynnwys gweithio gyda chynhyrchwyr lleol, defnyddio cynnyrch Masnach Deg, a’u hymdrechion tuag at ddatgoedwigo.

Cafodd llawer o syniadau eu rhannu ar sut i wneud Masnach Deg yn rhan o hunaniaeth y Fro – o gysylltu Masnach Deg gyda’r strategaeth Bwyd y Fro, i archwilio’r potensial ar gyfer creu ap Masnach Deg sy’n cynnwys straeon cynhyrchwyr a stocwyr lleol. 

Wrth siarad yn y digwyddiad, trafododd Aileen bwysigrwydd Masnach Deg fel system ddibynadwy sy’n amddiffyn cynhyrchwyr a’r blaned, a sut mae gweithredoedd lleol yn cyfrannu at statws Cymru fel Cenedl Masnach Deg cenedlaethol.

Wrth siarad am ddychwelyd, meddai Aileen: 

“Mae’n wych bod yn ôl gyda Cymru Masnach Deg, ac ailgysylltu gyda grwpiau cymunedol, partneriaid Masnach Deg byd-eang, a’r siwt fanana enwog. 

Cefais brofiad gwych gyda’r adran Gwaith Teg yn Llywodraeth Cymru, a dysgais gymaint am gaffael cyhoeddus a materion ehangach trwy gydol cadwyni cyflenwi. Rwy’n edrych ymlaen at roi’r hyn a ddysgais yn fy swydd yn Cymru Masnach Deg ar waith, i barhau â’n gweledigaeth o greu byd cyfiawn, sy’n masnachu’n deg.”

Croeso nôl, Aileen – mae’n grêt dy gael yn ôl!