Blwyddyn ddiwethaf, cynhaliodd Clwb Pêl-droed Cilgeti Ŵyl Bêl-droed Ieuenctid a ddaeth â dros 700 o blant o ar draws y gymuned gyda’n gilydd. Defnyddiwyd peli troed Masnach Deg Bala Sport ar draws y gemau dan 11, 13 a 14 oed, gan ddysgu i’r chwaraewyr ifanc am fentrau masnach deg a pham eu bod yn bwysig.

Roedd y gwaith yma wedi’i yrru gan Sharron Hardwick, Ysgrifennydd Clwb Pêl-droed Cilgeti, Hyfforddwr Merched, Chwaraewr Menywod a sylfaenydd yr ‘Ymgyrch Masnach Deg mewn Pêl-droed’. Mae Sharron wedi gweithio wrth ochr Clwb Pêl-droed Cilgeti am dros 15 mlynedd, gan ddefnyddio pêl-droed fel ffordd bwerus o godi ymwybyddiaeth o gyfiawnder byd-eang a masnach foesegol.

Mae peli troed Bala Sport wedi’u hardystio’n Fasnach Deg ac wedi’u cynhyrchu mewn partneriaeth gyda Bola Gema yn Sialkot, Pacistan – canolfan fyd-eang sy’n cynhyrchu peli troed wedi’i wnïo â llaw. Mae pob pêl a werthir yn cynnwys Premiwm Masnach Deg, sy’n mynd tuag at wella bywydau ei weithwyr a’r cymunedau ehangach trwy fentrau fel gofal iechyd am ddim a phrosiectau addysgol.

Ond, mae ymrwymiad yr ymgyrch yn mynd yn bellach nag un digwyddiad. Maent wedi ymgorffori Masnach Deg yn aml mewn i’w weithgareddau, gan gynnwys ymweliadau ag ysgolion, sesiynau cymunedol, a defnyddio peli troed Masnach Deg mewn hyfforddiant a gemau.

Wrth edrych ymlaen, mae cynlluniau yn eu lle i bartneru gyda Swansea City Kicks ar gyfer Twrnamaint Pêl-droed Masnach Deg ym mis Gorffennaf 2026, gyda mwy o uchelgeisiau i weithio gyda Chlwb Pêl-droed Stoke City yn ddiweddarach yn y flwyddyn. Nod y partneriaethau yma yw mynd â’r neges ymhellach, gan gyrraedd chwaraewyr, ysgolion a chefnogwyr newydd.

Fel y dywed Sharron:

“Mae defnyddio peli troed Masnach Deg Bala Sport yn rhoi cyfle i bobl ifanc i chwarae pêl-droed hwyliog a theg wrth helpu codi ymwybyddiaeth, a darparu bargen deg i wneuthurwyr peli troed sy’n aml yn cael i’w hanghofio, hebddynt ni fyddai’r gêm yn bodoli!”

_{Lluniau gan Clwb Pel-droed Cilgeti}

Os ydych chi’n rhan o ysgol, clwb neu grŵp cymunedol ac eisiau cymryd rhan, gallwch ddysgu mwy am beli troed Masnach Deg wrth balasport.co.uk neu archwilio’r Ymgyrch Masnach Deg mewn Pêl-droed yma.