Pythefnos Masnach Deg 2021
Dydd Llun 22nd Chwefror – Dydd Sul 7th Mawrth 2021Thema yw Cyfiawnder yr Hinsawdd. Bob blwyddyn, mae’r Bythefnos Masnach Deg yn rhoi cyfle i bobl ar draws y DU i ddathlu llwyddiannau Masnach Deg, a dysgu mwy am y gwahaniaeth mae Masnach Deg yn ei wneud.
Bydd Pythefnos Masnach Deg 2021 rhwng 22 Chwefror a 7 Mawrth.
Mae wedi bod yn Bythefnos Masnach Deg gwahanol iawn yn 2021, ond yn un da ac rydym yn gobeithio y gwnaethoch ei fwynhau hefyd!
Roeddem yn dwlu gweld y gweithgareddau gwych mewn ystafelloedd dosbarth ac ar-lein ledled Cymru. Roedd cwisiau, bomio edafedd, cystadlaethau ysgolion, bananas hollt, lluniau a mwy!
Y Pythefnos Masnach Deg hwn, gwnaethom ganolbwyntio ar gyfiawnder yr hinsawdd a’r heriau cynyddol y mae’r newid yn yr hinsawdd yn eu rhoi i ffermwyr a gweithwyr yn y cymunedau y mae Masnach Deg yn gweithio gyda nhw.
Mae argyfwng yr hinsawdd yn fygythiad uniongyrchol a chynyddol ac mae’r rheiny sy’n byw mewn gwledydd agored i niwed o ran yr hinsawdd eisoes yn gweld ei effeithiau o sychder a chlefyd cnydau i lifogydd, tonnau gwres a chynaeafau sy’n lleihau.
Digwyddiadau
Bore Coffi Newid yn yr Hinsawdd gyda Jenipher
Gwnaeth Cymru Masnach Deg gynnal Bore Coffi Newid yn yr Hinsawdd gyda Jenipher Wettaka Sambazi, cynhyrchwr coffi o Wganda a Jenipher’s Coffi. Gwnaeth pobl ymuno o Gymru a’r tu hwnt a chawsom wybod mwy am fywyd Jenipher, sut mae’r newid yn yr hinsawdd yn effeithio ar ei bywoliaeth a sut mae Masnach Deg yn ei chefnogi.
Mae coffi Jenipher’s Coffi yn cysylltu Wganda â Chymru drwy werthu ei choffi. Gallwch wylio neges fideo Jenipher i ganfod mwy o wybodaeth.
Trafodaeth banel y Cyfiawnder yr Hinsawdd am Fyd Tecach
Gwnaethom hefyd gefnogi Fforwm Masnach Deg Abertawe a Chanolfan yr Amgylchedd gyda’u digwyddiad panel, ‘Cyfiawnder yr Hinsawdd am Fyd Tecach’ a oedd yn cynnwys rhai siaradwyr anhygoel o’r sector gan gynnwys Jane Davidson, Paul Allen, Shenona Mitra, Robin Roth ac Allan Saidi.
Fideo Rysáit
Gwnaeth Sarah Philpott addasu ei Theisen siocled a tahini i rysáit teisen Pythefnos Masnach Deg arbennig gan ddefnyddio cynhwysion Masnach Deg a gwnaethom greu fideo rysáit yn dangos yn union i chi sut i’w bobi. Mae wiry n flasus, rydym yn argymell eich bod yn rhoi cynnig arni.
Ydych chi dal am gefnogi Masnach Deg?
-
Prynwch nwyddau Masnach Deg – sicrhewch eich bod yn chwilio am y nod Masnach Deg ar gynnyrch gan wybod eich bod yn helpu cymunedau ym mhedwar ban byd i fyw bywyd tecach. Mae yna siopau Masnach Deg lleol a Traidcraft.
-
Cofrestrwch – Gallwch gofrestru i dderbyn ein cylchlythyr misol i gael y newyddion a’r wybodaeth ddiweddaraf yn syth i’ch mewnflwch.
-
Ymunwch – mae yna grwpiau Masnach Deg lleol y gallwch ymuno â nhw ledled Cymru a helpu i hyrwyddo’r symudiad yn eich cymuned.
