Awesome Wales yw’r siop gwastraff Sero cyntaf ym Mro Morgannwg. Wedi’i leoli yn Y Bari, Y Bont-faen a nawr yn Ysbyty Prifysgol Cymru Caerdydd, mae Awesome Wales yn stocio amrywiaeth o nwyddau Masnach Deg. Ewch draw i’r siop, neu ewch i’r wefan am gynnyrch ecogyfeillgar a Masnach Deg.
Mae Jenipher’s Coffi wedi ei enwi ar ôl Jenipher Wettaka, is-gadeirydd cydweithredfa o ffermwyr sy’n gweithio gyda’u gilydd ar lethrau Mt Elgon yn nwyrain Uganda i gynhyrchu ein coffi hyfryd. Wedi’i dyfu o bridd folcanig ffrwythlon, mae ein coffi Arabica o safon yn cael ei gynhyrchu’n organig ac i safonau Masnach Deg.
Mae Siop Werdd Canolfan yr Amgylchedd wedi bod yn darparu cynnyrch cartref, bwyd a chrefftau gwyrdd, Masnach Deg a heb greulondeb i’r gymuned ers sawl blwyddyn ac mae’n gartref i orsaf ail-lenwi gyntaf Abertawe.
Agorwyd Gardd y Ddraig yn 2014 gyda ffocws ar Fasnach Deg a’r amgylchedd. Ers hynny, mae wedi ffynnu gan werthu llyfrau, anrhegion a bwyd Masnach Deg, hadau, planhigion a llysiau ffres.